Мамадышта Төркия Коръән-хафизы булды

07 август 2014 ел 12:44

Мамадышка икенче ел инде, Рамазан аенда Төркиядән Коръән-хафиз килде, шәһәребездә үзенчәлекле азан тавышы, Коръән аятьләре яңгырады. Узган ел ике төрек килгән иде.

Кемдер сәләтне еллар буе туплый, кайберәүләргә ул кинәт килеп төшә. Ә кемгәдер тумыштан бирелә күрәсең. Хафиз булу өчен бик күп имтиханнарны үтәргә кирәк. Шул сынауларны үтсәң генә Аллаһ сиңа Коръәнне бирә. Гөнаһ гамәлләр күбрәк кылган саен, Коръән истә калмый. Никадәр сөннәт гамәлләрне күбрәк үтисең, шулкадәр хәтерләү сәләте яхшыра. Быелгы Төркия кунагы җиде яшьтән алып унике яшькә кадәр мәктәптә укыган, аннары имам-хатыйблар әзерли торган көллияттә белем алган,  Анатолла университетының иләһият факультетында укыган. Үткән ел рамазан аен Мәккә шәһәрендә үткәргән. Тумышы белән Анкара шәһәреннән. Хатыны Әминә, кызы Сөмия, улы Ясир. Биш ел Анкарадагы Сары Яр шәһәрендә Бараҗ мәчетендә имам-хатыйб булып эшләгән, хәзерге вакытта Кырык Калә шәһәрендә мөәзин вазыйфасын башкара. Шунысы сөенечле, моннан китәр алдыннан аны имам-хатыйб итеп күтәргәннәр иде.

Без, бер төркем мөслимәләр, аның белән үзәк мәчетебездән тәравих намазыннан кайтканда очраша идек. Бик кешелекле, гадел, кеше белән аралашырга ярата, бик тиз уртак тел таба, кайвакыт шаяртып та ала. Башта аңышмыйча азапландык. Күп җөмләләрен чамаларга була. “Әлхәм” сүрәсен башта ул укый. Аннан без кычкырып артыннан кабатлый идек. Китер алдыннан: без укыган “Әлхәм”не гүзәл дип әйтә башлады. Мин күбрәк кабатлаттыру ысулын кулланам ди. Намазда укый торган сүрәләрне дөрес итеп әйтергә өйрәнегез дип әйтте. Сез, татарлар да, без, төрекләр дә инсаннар. Биредә шуңа игътибар иттем, һәрберебез елмаеп, ачык йөз белән аралашабыз диде. Мамадышта мине җылы каршыладылар, яхшы кабул иттеләр, халык ачык. Мамадыш – гүзәл, тыныч, яшел шәһәр.

Сөйләве буенча төрекләр - бик тә кунакчыл халык икән. Ә Рамазан аенда кафеларда урамда үткән-сүткән кешеләрне ифтар мәҗлесендә ашату - гадәти күренеш санала.

“Татарстанда бик майлы итеп ашау әзерлиләр. Татарлар белән төрекләр ризыклары арасында аерма бик күп. Ә бездәге ризыкларны кемдер бик баллы, кемдер бик ачы дияр. Без бик дөрес тукланабыз. Күбрәк яшелчәгә өстенлек бирәбез. Ногыт борчагының бик күп төрләреннән телне йотарлык ризыклар әзерлибез. Инжир, йөзем, мандарин, лимон, зәйтүн агачлары һәркемнең бакчасында диярлек бар. Помидор, кыяр үстереп торуның кирәге юк дип саныйбыз”, – ди ул.

Безнең кебек кисәге-кисәге белән ит, майлы ашлар ашамыйлар икән.

Халык акчасына төзелгән дин йортларын дәүләт тота, имамнарга хезмәт хакы түлиләр. Безнең акчага күчереп исәпләгәндә 40 мең сум хезмәт хакы ала. Мәчеткә җыелган сәдакә акчалары мохтаҗларга бирелә, дип сөйләде.

 

Фирая Мингалиева, Мамадыш

Башка журналлар

2017 елда дини бәйрәмнәр һәм истәлекле көннәр

Мөселман ай календаре буенча 1438–1439 һиҗри еллар

25 гыйнвар 2017 ел 10:30

Диндә бала имезү мәсьәләсе

22 гыйнвар 2017 ел 10:05

Мөфти: Динне тарату белән бергә, тынычлыкны саклау өчен дә хәзрәтләр зур  тырышлык куя

Бүген Казанда Диния нәзрәтенең 2017 елдагы беренче Президиум һәм Пленар утырышы булды. Чарада 2017...

11 гыйнвар 2017 ел 09:51
Дин әһеле
1992 -1998 елларда
Дин әһеле
1998 - 2011 елларда
Дин әһеле
2011 – 2013 елларда
Дин әһеле
2013 елның 17 апрелендә сайланды

Намаз вакытлары

Иртәнге намаз
Кояш чыга
Өйлә намазы
Икенде намазы
Ахшам намазы
Ястү намазы
Яңалыклар архивы
Tatarstan.Net - все сайты Татарстана