17 апрель көнне Буаның "Әбү Хәнифә" мәчетендә балалар өчен ифтар мәҗлесе булып узды.
Ифтарга мәхәллә балалары, мәчеттә укып йөрүче шәкертләрнең оныклары килгән иде. Ахшам намазына хәтле мәчет имамы Шамил хәзрәт Вәлиуллин шәкертләргә сораулар биреп ислам динен ни дәрәҗәдә белүләре белән танышты, хәзрәт балаларга үзенең киңәшләрен бирде. Ахшам намазына азан әйткәннән соң балалар намаз укып әзерләнгән мул табынга рәхим иттеләр. Балалар бу чарадан үзләре өчен күп үңай кичерешләр алдылар. Соңыннан, әзерләнгән пакет бүләкләр белән сабыйлар шатланып өйләренә таралдылар. Бу ифтар мәҗлесенә өлеш керткән игәнәчеләргә Раббыбызның рәхмәтләре ирешсен.
