Халыкара балаларны яклау көне һәм "Дан" инклюзив спорткомплексының туган көне уңаеннан "Ярдәм" мәчете тирәсендә шәһәр бәйрәме узды. Бәйрәмдә "Ярдәм - Помощь" хәйрия фондында дәваланучы сабыйлар, "Йөрәк белән күрү һәм ишетү" курсларында әзерлек узган күрмәүче шәкертләр, мәхәлләнең өлкән яшьтәге әгъзалары, башкала кунаклары катнашты.
Бала-чагага биредә тамаша, ярышлар, мастер-класслар, ярминкә, аттракционнар оештырдылар. Сабыйларга иң ошаганы Сабантуй мәйданы булды: алар халык уеннары уйнады һәм төрле спорт төрләрендә көч сынашты, көрәште. Бәйрәм күбек-шоу һәм истәлекле фотолар белән тәмамланды.
