22нче сентябрь көнне Мөслимнең “Курай” паркында беренче сыйныф укучылары өчен “Гыйлем бәйрәме” узды. Кечкенә укучылар өчен Мөслим мөхтәсибәте тарафыннан оештырылган чара районыбызда икенче тапкыр уза. Балаларны Мөслим районы Башкарма комитет җитәкчесе урынбасары Марина Бадретдинова, районның имам-мөхтәсибе Илгиз хәзрәт Сөнгатуллин сәламләп изге теләкләрен җиткерделәр. Балалар төрле кызыклы уеннарда, мастер-классларда, ярышларда катнашты. Спорт мәктәбе тренерлары һәм “Мизгел” яшьләр үзәге волонтерлары ике мәйданчыкта эстафеталар оештырды. Туган якны өйрәнү музее хезмәткәрләре элек мәктәп укучылары кулланган уку әсбапларыннан торган экспозиция алып килгән. Балалар китапханәсе оештырган яшел фотозонада балалар истәлеккә фотога төште. “Аргамак” спорт мәктәбеннән килгән понида кызлар аеруча яратып йөрде. Мөхтәсибәт рәсем ясарга, кул эшләре белән шөгыльләнергә яратучы балалар өчен шөгыльләр оештырды. Асфальтка да, кәгазьгә дә рәсем ясарга бик яраталар балалар. Аларның кулларыннан акбур, кайчы, төсле карандашлар төшмәде. Бәйрәм азагында бар килгән 120ләп балага бүләкләр тапшырылды.
Мөслимдә "Гыйлем бәйрәме" узды
23 сентябрь 2022 ел 14:20
![Мөслимдә "Гыйлем бәйрәме" узды](/netcat_files/398/569/photo_5289695148277613267_y.jpg)
Соңгы яңалыклар
![](/netcat_files/398/569/DSC_3686_0.jpg)
ТР Милли китапханәсендә зур аншлаг белән Рөстәм хәзрәт Хәйруллинның гаилә кыйммәтләренә багышланган очрашуы узды
11 ноябрь 2022 ел 10:05
![](/netcat_files/398/569/DSC_3145.jpg)
“Мөхәммәдия”дә студентлар өчен күренекле шәхесләр белән Лекторий эшли башлады
09 ноябрь 2022 ел 17:31
![](/netcat_files/398/569/DSC_3013.jpg)
Мөфти Нәзарәттә Билал Эрдоган җитәкчелегендәге төрек делегациясен кабул итте
09 ноябрь 2022 ел 13:57
![](/netcat_files/398/569/IMG_6486.jpg)
Түбән Каманың Үзәк мәчетендә “Намаз – бәхет ачкычы” проектының 6нчы сезоны башлана
08 ноябрь 2022 ел 17:43
Намаз вакытлары
Иртәнге намаз
Кояш чыга
Өйлә намазы
Икенде намазы
Ахшам намазы
Ястү намазы