Сарманда “Бәрәкәт” балалар мәйданчыгы эшли башлады

1 сентябрьдә Сарман районы үзәк мәчете каршында “Бәрәкәт” балалар мәйданчыгы эшли башлаган. Районның имам-мөхтәсибе Сәгыйть хәзрәт Хаков билгеләп үткәнчә, әлеге мәйданчык инде дүртенче ел рәттән оештырылып килә икән. Бирегә 3 яшьтән алып мәктәпкәчә яшьтәге балалар килеп, әдәп-әхлак, Коръән дәресләре алалар, шулай ук укырга әзерлек өчен аерым төркем дә каралган. Балалар белән иртәнге сәгать 8.00дән алып 14.00гә кадәр югары дөньяви һәм дини гыйлемгә ия булган педагоглар шөгыльләнәләр.