Баулыда ислам кануннары буенча эшмәкәрлек мәсьәләсе буенча фикер алыштылар

Шушы көннәрдә республиканың көньяк-көнчыгыш төбәге казые Марат хәзрәт Мәрданшин катнашлыгында Баулы шәһәренең мөселман мәхәлләләре мөгаллимнәре һәм шәкертләренең очрашуы үтте. Үткәрелгән чара Баулы районы мөхтәсибәте һәм “Шагаби” сәүдә үзәге директоры Шиһапов Сәхәбетдин Минһаҗ улы ярдәмендә оештырылды. Шиһапов Сәхәбетдин үзенең сәүдә үзәгендә хәрамсез эшмәкәрлек принциплары алып бара, гыйбадәт бүлмәсе һәм укыту өчен махсус класслар булдырды. Рәсми очрашудан соң, ислам кануннары буенча эшмәкәрлек алып бару мәсьәләләре буенча фикер алыштылар.