Елдан-ел Минзәлә мөхтәсибәтендә мөнәҗәтләр белән кызыксыну, дини җырларны район һәм шәһәр халкына җиткерүгә игътибар арта. Бу елны мөнәҗәт фестивале 26 нчы октябрь көнне Минзәлә шәһәрендә Тукай һәм Минзәлә районнары мөнәҗәтчеләре катнашында уздырылды. Әлеге чараны оештыручылар - Минзәлә районы мөхтәсибәте һәм мөслимәләр берлеге.
Залда утыручылар, катнашучылар арасында өлкән буын кешеләре дә, мәктәптә һәм урта махсус уку йортларында укучы студентлар да күп булды. Халык тирән мәгънәле, дини мөнәҗәтләрне тыңлап рухланды.
Имам-мөхтәсиб тарафыннан катнашучыларга истәлекле һәм файдалы бүләкләр тапшырылды.
.jpg)
