Гаиләбез ядкаре - Коръән

27 июль 2012 ел 09:47

Һәр гаиләдә буыннан-буынга күчеп, кадерләп саклый торган ядкарь-истәлекләр бардыр, минемчә. Безнең гаиләдә исә иң кадерле ядкарьләрнең берсе – Коръән. Мин кечкенә чакта ук, өебезнең иң кадерле урынында пөхтә итеп төрелгән, еллар үтү белән бераз таушалган зур бер китапның саклануы турында белә идем. Әниемнең әлеге китапны саклап, хөрмәтләп тотуы үсә төшкәч мине тагын да кызыксындырды. Әле хәзер дә аның сүзләре колагымда яңгырый: “Кызым, бу безнең гаиләдә буыннан-буынга тапшырылып килүче иң изге Китап. Аны тәһарәтсез кулга алырга ярамый. Коръән бар нәрсәдән дә өстен. Шуңа да аны түбән урынга куярга рөхсәт ителми. Совет заманнарында дин тыелган вакытта да, әби-бабаңнар яшеренеп намазларын укыганда, бу Коръәнне дә кулларына алып укыганнар. Инде бу изге Китапны сез, сезнең балаларыгыз кадерләп сакларга тиеш”. Әниемнең сүзләренә караганда, әлеге Коръәнгә бер гасырдан артык вакыт.

Әйе, чыннан да, бу китап мине үзенең серлелеге белән җәлеп итә иде. Шуңа күрә дә мин әбидән серле китапта нәрсә турында язылуын сорый идем. Ул миңа Коръән сүрәләре турында сөйли иде.

Коръәннең таушалган битләрен караганда, күңелгә ниндидер сихри көч, җылылык килгән кебек була. Әби-бабайларның намаз укуларын, мәчеткә баруларын күреп үскән бала буларак, мин дә күп кенә догаларны яттан беләм. Иншә Аллаһ, киләчәктә гарәп язуын өйрәнеп, Коръәнне уку дәрәҗәсенә ирешермен дигән хыялым да бар әле минем.

Безнең гаиләдә исә тагын бер ядкарь – әбинең әбисеннән калган чулпылар саклана. Алар 1837 елда чыгарылган көмеш тәңкәләрдән ясалган. Бәләкәйрәк вакытта үземнең озын толымнарыма әлеге чулпыларны тагып, көзге каршында бөтерелгәндә, әбиләр яшәгән чорга кабат кайткан кебек була идем. Үткән елларның хатирәсе булып, чулпыларның чыңлаган тавышларын ишетү минем өчен хәзер дә зур куаныч.

Бүгенге көндә дә без әлеге ядкарьләрне өебезнең иң күркәм урынында саклыйбыз. Алар барлык буыннар өчен дә бәяләп бетермәслек зур истәлек булып тора.

Алия ЗӘЙДУЛЛИНА,

Лениногорск шәһәренең 2 нче урта мәктәбе

Язма "Сабантуй" газетасы белән берлектә әзерләнде

Башка журналлар

Актанышта Рамазан бәйрәме үтте

Ураза гаетенең икенче көнендә – 6 июльдә Җәмигъ мәчете каршында районкүләм чара үтте быел...

11 июль 2016 ел 11:32

“Минем гаилә шәмаиле” җиңүчеләре уразадан соң билгеләнә

Гаилә кыйммәтләрен алга сөргән «Минем гаиләм шәмаиле» Россиякүләм конкурс быел да киң колач алды...

24 июнь 2016 ел 14:30

Хәләл кулланучыларны нәрсә җәлеп итә?

Дөрес туклану нидән гыйбарәт? Табыныбызга нинди ризык куела? Әлеге сораулар замана кешесен...

23 июнь 2016 ел 15:26
Дин әһеле
1992 -1998 елларда
Дин әһеле
1998 - 2011 елларда
Дин әһеле
2011 – 2013 елларда
Дин әһеле
2013 елның 17 апрелендә сайланды

Намаз вакытлары

Иртәнге намаз
Кояш чыга
Өйлә намазы
Икенде намазы
Ахшам намазы
Ястү намазы
Яңалыклар архивы
Tatarstan.Net - все сайты Татарстана