Тиздән Казанда татар телен өйрәнү буенча түләүсез курслар башланып китәчәк. Анда татар телен, Татарстан һәм татар халкы тарихын, шулай ук, ислам дине нигезләрен тирәнтенрәк өйрәнергә теләгән һәркем чакырыла. Дәресләргә йөрүчеләр гарәп телендә язылган Коръәнне тәҗвид кагыйдәләре нигезендә укырга да өйрәнәчәк.
Чараны Бөтендөнья татар конгрессы Башкарма комитеты белән Россия ислам университеты оештыра.
Курслар февраль аеннан эшли башлар, дип көтелә. Ул өч айга исәпләнелгән. Дәресләр кичке алтыда сишәмбе, чәршәмбе, шимбә көннәрендә Россия ислам университетында (Газовая ур., 19 нчы йорт) үткәреләчәк. Курслар буенча оештыру җыелышы исә РИУ бинасында 1 октябрь көнне кичке сәгать алтыда булачак. Белешмәләр өчен телефон: 89503200935.
Бөтендөнья татар конгрессының матбугат хезмәте хәбәр иткәнчә, курсларга теләгән һәр кеше языла ала, программага фильмнар карау, чәй эчүләр кертелгән. Уку түләүсез.
"Дин вә мәйгыйшәт" газетасыннан
.jpg)
