Сорау: Әссәламү галәйкүм! Тәравих укыганда, иртәнге намазга аз вакыт калганын белеп, витрны укып куйдым. Соңыннан әле иртәнге намаз вакыты кермәгәнен белгәч, тәравих намазының калган рәкәгатьләрен укыдым. Витрдан соң тәравих уку ярыймы?
Җавап: Үә галәйкүм әссәлам! Имам Шурунбүләлинең “Мараки әл-Фәлак” китабында болай диелә:
يصح تقديم الوتر على التراويح وتأخيره عنها وهو أفضل
(مراقي الفلاح)
“Тәравих намазына кадәр витр намазын уку ярый, тәравихтан соң витр уку да ярый. Тәравихтан соң витр уку хәерлерәк”.
Димәк, сезнең витр намазыннан соң укыган тәравих намазыгыз дөрес.
Ә Аллаһ – яхшырак белүче!
