Сорау: Әссәламү галәйкүм! Кеше авыру булса һәм аның нисабы булмаса, фидия түләмәсә дә ярый диләр. Бу дөресме?
Җавап: Үә галәйкүм әссәлам! Нисабка ия булу фидия түләүнең шарты булып тормый. Фидия ураза тота алу мөмкинлеге бөтенләй булмаган авыру кешеләр өчен билгеләнгән. Өлкән яшьтәге кешеләр һәм ураза тотарга ярамый торган авыруы булган кешеләр шул категориягә карый.
Ә менә фитр сәдәкасына нисаб булу шарт булып тора.
Аллаһ – яхшырак белүче.
