Сорау: Әссәламү галәйкүм! Зәкәт түләү вакыты килеп җиткәч, малымны югалттым һәм югалту минем аркада түгел иде. Миңа хәзер нишләргә: түләргәме зәкәт, әллә юкмы?
Җавап: Үә галәйкүм әссәлам! Имам Мөхәммәд Гашыйк сүзләре белән җавап бирик, ул үзенең “Әт-Тәсхил әд-Дарури ли Мәсаил әл-Кудури” китабында болай яза:
⠀⠀⠀
إذا هلك المال كله بعد وجوب الزكاة سقط الزكاة فلا يفترض أداؤها، و لو هلك بعض المال سقط بحسابه، هذا إذا هلك المال فأما إذا استهلك فلا تسقط الزكاة. (التسهيل الضروري لمسائل القدوري/ كتاب الزكاة/ باب من تفرض عليه الزكاة)
⠀⠀⠀
“Әгәр мал зәкәт түләргә тиешле кеше гаебе белән югалмаган икән (бозылган, үлгән) һәм зәкәт түләү вакыты җиткән икән, мал хуҗасы зәкәт түләүдән азат ителә һәм аны соңыннан түләү дә тиешле булмый. Әгәр малның бер өлеше генә юкка чыккан икән, югалган өлештән генә зәкәтен түләми. Бу бары мал хуҗасының гаебе белән булган очракта гына шулай. Әгәр мал хуҗасы ул малны тотып бетергән икән, зәкәт түләү бурычы аның өстеннән төшми”.
Димәк, сез малыгызның калган өлешеннән генә зәкәт түләргә тиеш буласыз. Әгәр мал тулысы белән юкка чыккан икән, зәкәт түләү бурычы да сезнең өстән төшкән булып чыга.
Ә Аллаһ – яхшырак белүче!
