15 июньдә Түбән Каманың “Ихлас” рухи-тернәкләндерү үзәгендә якынлашып килүче рамазан аена багышланган очрашу уздырылды. Әлеге мәҗлескә “Инвалидлар җәмгыяте”ннән һәм “Сукырлар җәмгыяте”ннән 50 дән артык физик мөмкинлекләре чикле кеше җыелды.
Чарада хәзрәтләр ураза тоту тәртипләре, шартлары хакында сөйләделәр. Рамазан хакында аңлаттылар һәм догалар кылдылар.
