Казанга Төркиядән 29 Коръән-хафиз килде. Төркия дин әһелләре рамазан ае дәвамында имамнарга ярдәмче буларак чакырылды. Алар мәчетләрдә тәравих намазларын алып барачаклар, Коръән укыячаклар.
Төркия Коръән-хафизлары Татарстан районнарына юлланды, өчесе Казанда калды. Алар “Гаилә”, “Шамил”, “Тынычлык” мәчетләрендә булачаклар.
Коръән-хафизлар ТР МДН белән Төркия Республикасының Ислам эшләре һәм вакыф министрлыгы арасындагы хезмәттәшлек программасы кысаларында чакырылды.
