Мөфти мәдрәсәләрне "Безнең мирас"ка яздырды

07 июнь 2016 ел 16:20

Бүген Татарстан мөфтие Камил хәзрәт Сәмигуллин республика мәдрәсәләрен, РИУны һәм “Тынычлык” мәчетен үз хисабыннан “Безнең мирас” журналына яздырды.

Бу уңайдан мөфти Казанның тарихи Галиев мәчетендә “Безнең мирас” журналы мөхәррире Ләбиб Лерон белән очрашты. Очрашуда сүз татар матбугаты ярдәмендә рухи  мирасыбызны саклау һәм халыкка җиткерү турында барды. Камил хәзрәт “Безнең мирас”ның бу эшкә зур өлеш кертүен билгеләп узды. Татарстан мөфтие рухи-дини мирасыбыз ядкарьләрен бүгенге көн укучыларга таратканнары өчен журнал хезмәткәрләренә рәхмәтен белдерде. Шулай ук алга таба да хезмәттәшлек итәргә, дини мирасыбыз хакында бергәләп  фикерләшергә, дини тарихыбызны өйрәнергә кирәклеге хакында әйтте. 

“Бүген “Безнең мирас”ны 9 мәдрәсәгә һәм Россия ислам институтына яздырырга килештек. Шулай ук “Тынычлык” мәчетенә алдырачакмын. Республикабызның башка мәчет-мәхәлләләре дә рухи байлыгыбызны яктыртучы  “Безнең мирас”ка язылырлар, акциягә кушылырлар дип уйлыйм”, - диде мөфти. 

Баш мөхәррир Ләбиб Лерон рухи байлыгыбызның 80 процентын дини мирас тәшкил итүе хакында әйтте. Бүгенге көндә журналның һәр санында бу өлкәгә зур игътибар бирелүен, тарихи чыганакларга таянып, үткән һәм бүгенге дини тормышыбыз яктыртылып барылуы хакында сөйләде. Халкыбызның ерак гасырларга барып тоташкан бәяләп бетергесез бай тарихи үткәне, тирән тамырлы әдәбияты, мәдәни җәүһәрләре – милли мирасы бар. «Безнең мирас» журналы битләрендә ерак гасырлардан сакланып килгән тарихи, дини-иҗтимагый хезмәтләргә, борынгы һәм хәзерге заман әдәбияты үрнәкләренә, сәнгать әсәрләренә бәйле мәгълүматларга киң урын бирелә,чорыбызның мөһим вакыйгалары, әдәбият, сәнгать яңалыклары яктыртылып барыла.

***

Белгәнебезчә, бу көннәрдә “Татмедиа” акционерлык җәмгыяте игълан иткән "Әти-әниләреңне яздыр. Якыннарыңны яздыр акциясе бара. "Татмедиа" АҖ генераль директоры Андрей Кузьмин бу хакта: "Безнең әти-әниләр генә түгел, балалар да яздыртуга мохтаҗ. Бу бер үк вакытта "Татмедиа" басмаларына, милли мәдәнияткә, телгә ярдәм итү. Бу акция басмаларга игътибарны арттырыр дип өметләнәбез", - дип белдергән иде. Акция 18 июньгә кадәр бара.

Сурәт - 1
Сурәт - 2
Сурәт - 3
Сурәт - 4
Дин әһеле
1992 -1998 елларда
Дин әһеле
1998 - 2011 елларда
Дин әһеле
2011 – 2013 елларда
Дин әһеле
2013 елның 17 апрелендә сайланды

Намаз вакытлары

Иртәнге намаз
Кояш чыга
Өйлә намазы
Икенде намазы
Ахшам намазы
Ястү намазы
Яңалыклар архивы
Tatarstan.Net - все сайты Татарстана