Иске Чүпрәле авылы мәчете картлары "Җылы йорт" приютында булдылар

08 июль 2016 ел 10:18

Иске Чүпрәле авылы мәчете имам-хатыйбы Әмир хәзрәт Аббазов  мәчет картлары белән берлектә Убидагы “Җылы йорт” социаль приютына сәдака –күчәнәчләр илттеләр. Әлеге гамәл мәчет тарафыннан соңгы елларда традиция буларак та дәвам итә.

Прютта тәрбияләнүчеләр  янына бару гадәттә изге Рамазан аена туры килә. Бүгенге көндә анда 34 бала тәрбияләнә. Аларның күбесе Чүпрәледән булса, калганнары тирә күрше районнардан. Тәрбияләнүчеләрнең 10сы мәктәпкәчә яшьтәге балалар. Яртысыннан артыгы бүгенге көндә Апастагы “Свияга” сәламәтләндерү лагерында ял итә.

Приютта балалар өчен барлык шартлар да тудырылган, уеннар бүлмәсе, басссейн да бар. Нәни балаларга ата-ана назын биредә тәрбиячеләр алмаштыра.

-Соңгы елларда приютка нәни балалар, 3 яшьтән алып, килә башлады. Башлап елыйлар, аннан өйрәнәләр әкренләп. Якыннары белән мөнәсәбәтләрне ныгыту максатыннан  күп эшләр алып барабыз, бәйрәмнәр оештырабыз. Әле Гаилә көненә дә әти-әниләр чакырылды. Күпчелек очракта балалар үз өйләренә кайта, шулай да ата-ана хокукыннан мәхрүм ителеп, башка гаиләләргә тәрбиягә тапшырылучылары да байтак,-ди приют директоры Алевтина Хәлилова.

Әйе, әти- әниләре исән булып та монда яшәргә мәҗбүр булган сабыйларны күреп йөрәк әрни. Әлбәттә, бирегә аларның берсе дә үз теләге белән килмәгән.

“Тормышларына аз гына булса да күңелле мизгелләр кертү максатын күздә тоттык без дә”, ди Әмир хәзрәт Аббазов. -Балалар бер гөнаһсыз сабыйлар, кызганыч әти-әниләренең ваемсызлыгы өчен алар түләргә мәҗбүр.

Балаларга исәнлек, тизрәк өйләренә кайтуларын, бәхетле булуларын теләп, тәмле күчтәнәчләр тараттылар алар. Бу көн балалар өчен зур бәйрәм булды. Күчтәнәчләр тутырылган пакетларны сүткәндә, шатлык хисләрен яшермәделәр алар. Бердәм булып татар һәм рус телләрендә “рәхмәт” сүзен дә әйтергә онытмадылар.

Дин әһеле
1992 -1998 елларда
Дин әһеле
1998 - 2011 елларда
Дин әһеле
2011 – 2013 елларда
Дин әһеле
2013 елның 17 апрелендә сайланды

Намаз вакытлары

Иртәнге намаз
Кояш чыга
Өйлә намазы
Икенде намазы
Ахшам намазы
Ястү намазы
Яңалыклар архивы
Tatarstan.Net - все сайты Татарстана