Болгарда 16-23 июль көннәрендә II Мөселман яшьләре форумы узачак

11 июль 2016 ел 13:52

16-23 июль көннәрендә  бабаларыбыз Ислам кабул иткән тарихи Болгар җирендә II Мөселман яшьләре форумы узачак.

Иртәгә, 12 июль сәгать 11.00дә, “Татар-информ” мәгълүмат агентлыгында II Мөселман яшьләре форумына багышланган пресс-конференция була.

Беренче мөселман яшьләре форумында Башкортстан, Кырым республикаларыннан, Ульяновск өлкәсеннән 80гә якын делегат катнашты. Программада дин әһелләре һәм галимнәр белән очрашулар, кызыклы мастер-класслар, интеллектуаль уеннар һәм экскурсияләр бар иде.

Быел мөселман яшьләре җыенында 18-30 яшьтәге 120гә якын кеше катнашыр дип көтелә. Гаризалар Татарстан, Башкирия, Чувашия Республикаларыннан, Киров өлкәсе, Ханты-Мансийск автоном округыннан, Удмуртия, Пенза, Челябинск, Мәскәү, Кырымннан килеп иреште.

Чара мөселман яшьләрен берләштерүгә, алар арасында тәҗрибә уртаклашу һәм яңа элемтәләр урнаштыру, уртак проблемаларны бергәләп хәл итү максатыннан, ватандашларыбызның рухи бердәмлеген ныгытуга, шулай ук егетләрдә һәм кызларда социаль, дини активлык, белемгә омтылуны тәрбияләүгә юнәлтелә.

Быел да яшьләрне эчтәлекле лекцияләр, мастер-класслар, очрашулар һәм тренинглар көтә. Махсус кунак - Пәйгамбәребез Мөхәммәд (с.г.в.) нәселеннән саналган хәдисләр белгече Габдрәхим Лакрим. Казан һәм Болгар шәһәрләре буйлар экскурсия оештыру да планлаштырыла.

Ачылыш 16 июль көнне сәгать 12.30да Диния нәзарәтенең яңа бинасында урнашкан конференц-залда  була.

8987-299-65-29 Ильһам

8927-033-31-42 Айгөл

Дин әһеле
1992 -1998 елларда
Дин әһеле
1998 - 2011 елларда
Дин әһеле
2011 – 2013 елларда
Дин әһеле
2013 елның 17 апрелендә сайланды

Намаз вакытлары

Иртәнге намаз
Кояш чыга
Өйлә намазы
Икенде намазы
Ахшам намазы
Ястү намазы
Яңалыклар архивы
Tatarstan.Net - все сайты Татарстана