Бүген Татарстан мөселманнары диния нәзарәтенә Япония длегеациясе килде. Кунакларны мөфтинең беренче урынбасары Рөстәм хәзрәт Батров каршы алды.
4-8 август көннәрендә ТР Фәннәр академиясенең Ш.Мәрҗани исемендәге Тарих институты һәм Симанэ префектура университеты белән берлектә халыкара конференция уздыра. “Япония һәм татар дөньясының мәдәни, икътисади, технологик элемтәләре һәм үзара йогынтысы: тарих һәм бүгенге заман” дип аталган фәнни сөйләшүдә катнашучы Япония делегациясе нәзарәттә булды. Алар арасында Япониянең төрле фәнни үзәкләре, уку йортлары профессорлары, фәнни белгечләре бар иде.
Рөстәм хәзрәт чит ил кунакларына республикабыз мөселманнары тормышы, тарихы турында сөйләде, нәзарәтнең бүгенге көндә алып барылган проектлары белән таныштырды.
