Бүген нәзарәтнең яңа бинасында беренче мәртәбә үткәрелгән пленумда Татарстан мөфтие Камил хәзрәт Сәмигуллин озак еллар дәвамында дин өлкәсендә эшләүче 6 кешегә “Халкыбызга хезмәт өчен” медален тапшырды.
Диния нәзарәтенең әлеге мәртәбәле бүләге Чүпрәле районы имам-мөхтәсибе Рөстәм хәзрәт Рәкыйповка, Кама Тамагы районы имам-мөхтәсибе Галимулла хәзрәт Яруллинга, Чаллы имам-мөхтәсибе Әлфәс хәзрәт Гайфуллинга, Тукай районы имам-мөхтәсибе Җәүдәт хәзрәт Харрасовка, “Ак мәчет” мәдрәсәсе җитәкчесе Рөстәм хәзрәт Шәйхевәлиевкә, ТР МДНнең финанс директоры Рамил Насибуллинга бирелде.
“Халкыбызга хезмәт өчен” медале милләтебез һәм динебез үсеше өчен кылынган олуг хезмәтләрне зурлап тапшырыла.
