Быел җәй айларында Чаллы мөхтәсибәтендә 6 рухи-сәламәтләндерү үзәге эшләде. Нур-Ихлас мәчетендә ул үз эшен әле дә дәвам итә.
Биредә малайлардан соң бер атнага 17 кешедән торган кыз-балалар төркеме килде. “Аерым программа алдан ук әзерләнде. Без берничә көн эчендә кыз-балаларга аларның тормыштагы төп вазыйфаларына төшендерәбез, әдәп-әхлак дәресләре бирәбез, пәйгамбәребезнең биографиясе белән таныштырабыз, кызыклы мастер-класслар оештырабыз. Лагерьгә йөрү дәверендә алар шулай ук әниләренә, күршеләренә бик матур рәсемнәр, сувенирлар ясый. Туклану көнгә өч мәртәбә оештырылган. Әниләре үзләре дә пешереп алып килә. Балалар бик тә канәгать. Тәрбия эшләрен Әлфия Нәбиуллина белән бергә алып барабыз”, - дип сөйләде үзәк җитәкчесе Алинә Хәбибуллина. Лагерь үә эшен 21 августка кадәр дәвам итәчәк.
