18 сентябрь көнне Менделеевск шәһәрендә мөхтәсибәт тарафыннан “Экстремизмга – юк!” дигән шигарь астында велосипедларда йөрү оештырылачак. Бу чара Татарстан Республикасы күләмендә ел да сентябрь ае дәвамында бара торган экстремизмга һәм терроризмга каршы айлык кысаларында узачак.
Менделеевск шәһәре хакимияте тарафыннан ошбу чара еш уздырыла, ә менә мөхтәсибәт массакүләм велосипедларда йөрүне быел икенче тапкыр уздыра. Беренчесе август аенда ир балалар рухи-сәламәтләндерү үзәге кысаларында Менделеевск – Бәзәкә маршруты буенча узган иде.
18 сентябрь көнне теләге булган ир-атлар һәм бала-чагалар сәгать 10га Үзәк мәчет янына чакырыла.
