Бүген Татарстан мөселманнары Диния нәзарәтенең дәгъват бүлеге җитәкчесе Нияз хәзрәт Сабиров башкалабыз экскурсоводлары белән очрашты. Әлеге очрашу 24-25 октябрь көннәрендә Казан дәүләт финанс-икътисад институтында оештырылган экскурсоводлар семинары кысаларында булды.
Хәзрәт башкалабыз кунакларын каршы алучы һәм аларга Казан хакында беренчеләрдән булып җиткерүче экскурсоводларга мөселманнар тормышы, динебез нигезләре хакында аңлатты. Татарларның ислам тарихы хакында сөйләде. Аннары күп сандагы сорауларга җавап бирде. Шул рәвешле Казанның дини-милли йөзен ачарга, рухи мирасыбызны барларга ярдәм итте.