Бүген Диния нәзарәтенә Ислам хезмәттәшлеге оешмасының элеккеге генераль секретаре, Төркиянең Бөек милли җыелыш депутаты, доктор Әкмәлетдин Ихсаноглу килде. Хөрмәтле кунак белән Татарстан мөфтие Камил хәзрәт Сәмигуллин очрашты. Ике як үзара хезмәттәшлек итү юлларын барлады һәм Диния нәзарәте күптән түгел нәшер иткән яңа Коръән хакында фикер алышты. Сөйләшү барышында мөфти хәзрәтләре Әкмәлетдин Ихсаноглуны Россия һәм Төркия арасындагымөнәсбәтләрне ныгытуда керткән өлешен билгеләп үтте.
Мәгълүм булганча, ул күптән түгел Мәскәүдә рус телендә нәшер ителгән «Исламофобия: от конфронтации к сотрудничеству: предстоящие задачи» китабын тәкъдир итте. Әлеге басманы рус теленә әзерләүдә “Россия - Ислам дөньясы” стратегик күзаллау төркеме катнашты.
Сәфәре кысаларында Әкмәлетдин Ихсаноглу Россия ислам университетына да барырга планлаштыра.
