30 октябрьдә Кукмара мәдрәсәсе каршындагы якшәмбе мәктәбендә белем алучы балалар арасында танылган татар дин галиме Әхмәдһади Максудиның “Гыйбадәте исламия” китабы буенча викторина уздырылды. Татарстан Республикасы мөселманнарының Диния нәзарәте игълан иткән әлеге республикакүләм бәйге яшь мөселманнарда зур кызыксыну уятты. Сораулар, нигездә, алдан өләшенгән булса да, аларның күләме зур булу сәбәпле, балаларга шактый күп әзерләнергә, “Гыйбадәте исламия” китабы буенча бирелгән сорауларга җентекләп җаваплар эзләргә, өйрәнгәннәрне хәтердә яңартырга туры килде.
Викторинада кырыктан артык бала катнашты. Малайлар һәм кызлар аерым төркемнәрдә белем дәрәҗәләрен күрсәттеләр. Чара ике өлештән торды: беренче өлешендә балалар сорауларга телдән җавап бирсә, икенче өлеше язмача уздырылды. Викторинада катнашучыларның һәммәсенә дә истәлек бүләкләре – калын дәфтәрләр һәм авторучкалар өләшенде. Призлы урыннарга лаек булучыларга исә кыйммәтрәк бүләкләр тапшырылды. Чара бергәләп чәй эчү белән тәмамланды. Ә призлы урыннар түбәндәгечә билгеләнде:
Малайлар
Ф.И.О. | Яшәү урыны | Җыйган баллары | Сыйныф | Нинди урын алган |
Галимуллин Булат Ришат улы | Кукмара бистәсе | 15 | 3 | 1 |
Багаманов Ильяс Айдар улы | Кукмара бистәсе | 14 | 2 | 2 |
Шәрипов Габделгазиз Рамил улы | Кукмара р-ны, Зур Кукмара ав. | 14 | 3 | 2 |
Ганиев Җәвит Җәүдәт улы | Кукмара р-ны, Сазтамак авылы | 13 | 2 | 3 |
Фәйзерахманов Илсаф Илфар | Кукмара р-ны, Купка авылы | 12 | 2 | 3 |
Кызлар
Ф.И.О. | Яшәү урыны | Җыйган баллары | Сыйныф | Нинди урын алган |
Ибәтуллина Сөмбел Илдус кызы | Мамадыш р-ны, Югары Тәкәнеш ав. | 18 | 3 | 1 |
Юнусова Гүзәл Фердинант кызы | Кукмара р-ны, Поч-Кучук авылы | 18 | 3 | 1 |
Корбанова Зәйнәп Раниф кызы | Кукмара р-ны, Аш.Буҗи авылы | 18 | 2 | 1 |
Шакирова Зөбәржәт Рафил кызы | Кукмара р-ны, Аш.Буҗи авылы | 18 | 2 | 1 |
Филина Ландыш Олег кызы | Мамадыш р-ны, Югары Тәкәнеш ав. | 17 | 3 | 2 |
Хөсәенова Зөлфия Илгиз кызы | Кукмара бистәсе | 17 | 3 | 2 |
Бадретдинова Назлыгөл Рафис кызы | Кукмара р-ны, Аш.Буҗи авылы | 17 | 2 | 2 |
Хисмәтова Динә Мөнир кызы | Кукмара р-ны, Янил авылы | 17 | 2 | 2 |
Гайфетдинова Зәлия Дамир кызы | Кукмара р-ны, Зур Сәрдек авылы | 16 | 3 | 3 |
Гатина Аделя Алмаз кызы | Кукмара бистәсе | 16 | 2 | 3 |
Гаянова Рамилә Ралиф кызы | Кукмара бистәсе | 16 | 2 | 3 |
