Чаллыда иң күренекле аксакалны ачыкладылар

11 ноябрь 2016 ел 10:36

   10 ноябрьдә Чаллының “Туфан” мәчете аксакаллары җыелышы узды. Анда 14 кеше катнашты. Бабайлар Рабигүл-әүвәл аена әзерлек, Мәүлид кичәсенә багышлап якшәмбе укуларына йөрүчеләр арасында викторина уздыру, мәчет эшчәнлегендә активрак катнашу, яшьләр белән эшләү мәсьәләләре буенча фикер алыштылар. Мәчет аксакаллары очрашуында Чаллы шәһәре имам-мөхтәсибе Әлфәс хәзрәт Гайфуллин, мөхтәсибәтнең Аксакаллар шурасы рәисе Равил хәзрәт Нуруллин чыгыш ясады.   

   Җыелышның икенче өлешендә мәчетнең иң күренекле аксакалын сайлау мәсьәләсе тора иде. Ул яшерен тавыш белән ике турда узды. Иң күп тавыш 79 яшьлек Җәмил Нурулла улы Хөснуллинга бирелде. Җәмил ага мәчетнең барлык эшләрендә дә актив катнаша, дежурлык итә. Килгән халык белән һәрвакыт йомшак мөгамәләдә була.

   Җәмил Нурулла улына мөхтәсибәтнең Аксакаллар Шурасы җыелышында истәлекле бүләк тапшырылачак. Чөнки аксакал үзе авыру сәбәпле ошбу җыелышта катнаша алмады. Шәһәр аксакаллары җыелышы  17 ноябрьдә “Туфан” мәчетендә узачак. 

Хәлил Шәрипов

Дин әһеле
1992 -1998 елларда
Дин әһеле
1998 - 2011 елларда
Дин әһеле
2011 – 2013 елларда
Дин әһеле
2013 елның 17 апрелендә сайланды

Намаз вакытлары

Иртәнге намаз
Кояш чыга
Өйлә намазы
Икенде намазы
Ахшам намазы
Ястү намазы
Яңалыклар архивы
Tatarstan.Net - все сайты Татарстана