16 ноябрьдә Лениногорск мөхтәсибәтенең “Мөслимә” клубында чираттагы очрашу булып узды. Очрашуда мөслимәләр кунакчыллык хакында фикерләштеләр.
Башта алар тест ярдәмендә үзләренең никадәр кунакчыл булуларын ачыкладылар. Аннары бу темага багышланган видео карадылар. Шулай ук динебезнең кунакчыл булырга өйрәтүе хакында сөйләштеләр.
Мөслимәләр көтелмәгән кунаклар килгәндә табын әзерләү серләрен дә бүлештеләр. Очрашу бергәләп чәй эчү, алдагы көннәргә планнар кору белән тәмамланды.
“Мөслимә” клубының киләсе очрашуы 30 ноябрьдә үткәреләчәк.
