Бүген Мирный бистәсендәге Тынычлык мәчетендә җомга намазыннан соң Мәүлид кичәсе узды. Чарада Татарстан мөфтие Камил хәзрәт Сәмигуллин, Изге Коръән нөсхәләрен тикшерү комитеты җитәкчесе Хафиз Госман Шаһин, нәшрият җитәкчесе Юксәл Сәлман, мөнәҗәтче Ильяс Халиков, “Нәшидул-Ислам” төркеме солистлары, мәхәллә халкы катнашты.
Кичә барышында мөфти хәзрәтләре пәйгамбәребез Мөхәммәдкә ﷺ багышланган вәгазь сөйләде һәм аның күркәм холкы турында төрле мисаллар китереп аңлатты. Мәҗлескә чакырылган мөнәҗәтче Ильяс халиков "Мәүлид ән-Нәби" касыйдәсен башкарса, “Нәшидул-Ислам” төркеме үзенең популяр нәшидләрен халыкка җиткерде. Чара бәйрәм табыны артында дәвам итте.
