Бүген нәзарәтнең дәгъват бүлеге җитәкчесе Нияз хәзрәт Сабиров Баулы районы мәдәният йортында оештырылган мәүлид ән-нәби бәйрәмендә катнашты. Татарстан мөфтие Камил хәзрәт Сәмигуллин исеменнән сәлам һәм тәбрикләү сүзләрен җиткерде, Пәйгамбәребез салләллаһу галәйһи вә сәлләмнең күркәм әхлагы турында сөйләде.
Әлеге чарада Баулы районы имам-мөхтәсибе Әнвәр хәзрәт Хәмитов, район башлыгының урынбасары Хәмидуллин Ринат Газизулла улы, мөнәҗәтләр башкаручы Динар Шәймәрданов, район халкы, имамнары һ.б. катнашты.
