10 декабрь көнне Зәй-Каратайда авылның Мөслимәләр оешмасы, авыл жирлеге администрациясе, шәһәрнең "Ихлас" мәчете белән берлектә, Мәүлет бәйрәме уңаеннан, Мөнәҗәтләр әйтү кичәсе уздырылган.
Алдагы ике елда авылда гына уздырылып килүче бәйрәм быел районкүләм итеп үткәрелгән. Анда районның Түбән Чыршылы, Сарабиккол, Кирлегәч, Урдалы, Юлтимер, Керкәле, Сугышлы, Чүте, Яна Иштирәк һәм Зәй Каратай авылыннан мөслимәләр мөнәҗәтләр әйттеләр, Пәйгамбәребез с.г.в-не олылап шигырьләр, догалар укыдылар.
Мәдәният йортындагы чарадан соң барлык кунакларны да корбан итеннән пешерелгән тәмле пылау белән сыйладылар.
