Мөселман өммәте өчен кадерле булган Рабигыль-әүвәл аенда – Кабан арты мәчете Пәйгамбәребез Мөхәммәднең ﷺ туган көне уңаеннан – Мәүлид ән-Нәби бәйрәмен оештырды. Әлеге чара Дәрвишләр бистәсе балалар йортының ятим һәм сәламәтлекләре чикле сукыр балалар өчен оештырылган иде. Бәйрәм 12 декабрь көнне “Регистан” хәләл ресторанында узды. Программада Коръән уку бәйгесе, Пәйгамбәребез ﷺ турында мөнәҗәт, касыйдәләр әйтү, төрле викториналар, уеннар, балаларга бүләкләр бирү булды.
Казан шәһәренең Вахитов һәм Идел буе районнары мөхтәсибәтенең матбугат үзәге
