Бүген, 13 декабрь көнне, Әл-Мәрҗани Җәмигъ мәчете каршында эшләп килүче хатын-кызлар курсларында белем алучылар Пәйгамбәребез Мөхәммәднең ﷺ туган көне уңаеннан – Мәүлид ән-Нәби бәйрәмен уздырды. Пәйгамбәребезне м олылап оештырылган чарада Коръән уку, Пәйгамбәребез ﷺ турында мөнәҗәт, касыйдәләр әйтү булды.
Әл-Мәрҗани Җәмигъ мәчете каршында эшләп килүче хатын-кызлар курслары атна дәвамында көн саен эшләп килә. Дәресләргә йөрүчеләр намаз тәртиләренә, гарәп телендә Коръән уку, ислам динендәге сөннәт һәм мөстәхәб гамәлләр турында белем алалар.
