“Шура” 1908-1918 елларда мөфти Ризаэтдин Фәхретдин мөхәррирлегендә Оренбургта нәшер ителгән татарча айлык дини журнал була. 240 номеры дөнья күрә.
2014 елны, 95 ел нәшер ителмәгәннән соң, Татарстан мөселманнары Диния нәзарәте әлеге бай рухи мираска ия журналны кабат чыгара башлады. Ул дин әһелләре өчен әзерләнгән дини альманах. Анда бер квартал эчендә укыла торган барлык җомга һәм гает хөтбә-вәгазьләре кертелә. Шулай ук тарихи очерклар, борынгы китаплардан материаллар , дини мәсьәләләргә аңлатмалар урнаштырыла.
Яңартылган “Шура”ның баш мөхәррире Татарстан мөфтие Камил хәзрәт Сәмигуллин.
