“Чистай” мәдәният үзәгендә Чистай мөселман яшьләре берләшмәсе оештырган Мәүлид аена багышланган чара узды. Концерт программасына кадәр һәрбер теләге булган кеше викторинада белемен тикшереп, китап күргәзмәсен карый алды. Театральләштерелгән программа “Пәйгәмбәрнең онытылган мирасы” исеме астында үтте.
Тамашачылар каршында Чистай районы имам-мөхтәсибе Мөхәммәд хазрәт Киямов чыгыш ясады, әлеге чараны әзерләүчеләргә рәхмәтен җиткерде. Тәбрикләү һәм котлау сузләре белән ТР МДН көньяк өлеше казые, Аксубай районы имам-мөхтәсибе Равил хазрәт Зөфәров тә нәсихәтләрен җиткерде
