Әгерҗе шәһәренең "Нур" мәчете каршындагы мәдрәсәдә балаларның кышкы каникуллары алдыннан Мәүлид-ән-Нәби бәйрәме уздырылды. Чарада "Нур" мәчетенең имам-хатыйбы Габделкәрим хәзрәт балаларга пәйгамбәребез Мөхәммәднең, аңа Аллаһның сәламе һәм салаваты булсын, холкы турында сөйләде һәм Аллаһ илчесенең тормышыннан сораулар биреп викторина уздырды. Мәдрәсә мөгаллимәсе Дилә Һидият кызы балаларга уен формасында Ислам динен белү буенча сораулар биреп иң белемле һәм иң җитез баланы ачыклады, ул бала - Хәмитова Айзилә булып чыкты.
Аллаһ Раббыбыз бу балаларга тәүфикъ - һидәят бирсен, динебезне куәтләүче балалар булып үссәләр иде. Амин!
