Бүген Татарстан мөфтие Камил хәзрәт Сәмигуллин Түбән Камага рәсми сәфәр кылды. Мөфти сәфәре кысаларында студент яшьләр белән очрашты. Казан инновацион университетының Түбән Камадагы филиалының актлар залында вузларда белем алучыларга Мөхәммәд Пәйгамбәр салләлаһү гәләйһи вә сәлләм хакында сөйләде.
"Мөхәммәд Пәйгамбәрнең рухи мирасы: кичә, бүген, иртәгә" дип аталган семинар мәүлид ае уңаеннан уздырылды.
