Минзәлә мөхтәсибәтендә мәүлид бәйрәме булды. Районның имам-мөхтәсибе Җәүдәт хәзрәт Харрас Мәүлид бәйрәме, пәйгамбәребезнең ﷺ тормыш юлы, күркәм гадәтләре, изге эшләре турында бик мавыктыргыч итеп вәгазь сөйләде, Минзәлә мәчетенең имам-хатыйбы Рәмзил хәзрәт Коръән сүрәләре укыды.
Әлеге чарага шәһәрдән һәм авылдан килгән мөхтәрәм кунаклар Лениза апа Якиевага кушылып мөнәҗәтләр, салаватлар әйттеләр.
Мәҗлесне оештыруга ТР Диния нәзарәте каршындагы мөслимәләр берлегенең Минзәлә бүлеге җитәкчесе Роза Фәхретдинова зур өлеш кертте.
