Апасның Җәмигъ мәчете яңартылган

07 март 2017 ел 10:39

Апасның Җәмигъ мәчетендә яңадан үзгәртеп кору эшләре башкарылды. Бинаның эчке ягы матурланды, яңарды, дип яза районның "Йолдыз" газетасы.

– Төзекләндерү эшләрен икенче каттан башладык. Заманча, матур, зәвыклы материаллар белән эшләдек. Тәрәзәләр алмашты, җылылык системасы җайга салынды. Диварлар матурланды. Түбә яңача төсмер алды. Яңа тавыш көчәйткечләр куелды. Әле эшләр дәвам итә“, – ди район мөхтәсибе Мирхәт хәзрәт. 

Әлеге эшләр Диния нәзарәте һәм эшмәкәрләр ярдәме белән башкарылган. “Электр челтәрләре“нең Буа филиалы җитәкчесе Айрат Җиһаншин, “Альтаир-1“ оешмасы җитәкчесе Ринат Миначевның зур ярдәме тигән. Төзекләндерүне исә районның оста куллы егетләре үз өсләренә алган.

Мәчет эчендәге музей да тулы бер тарих чыганагы булып тора. Биредә дини чыганаклардан тыш районыбызның үткәне һәм бүгенгесе дә чагылыш таба. Җыйнак кына музейда тулы мәгълүмат табып була.

– Райондашлар да үз әйберләрен тәкъдим итә. Әле күптән түгел генә кабыгына гарәп хәрефләре уеп язылган тавык йомыркасы тапшырдылар. Яшәештә нинди генә могҗиза юк, – ди мәчетнең имамы Рәшит хәзрәт Хөснетдинов.

Шулай ук мәчетнең элеккеге подвалы хәләл кафе итеп үзгәртелгән. Биредә никах, исем кушу һәм башка дини мәҗлесләрне уздырып булачак. Янәшәдә генә ял бүлмәсе урын алган. Анда дини каналлар күрсәтүче спутник телевидениесе дә эшләп тора. Ял итәр, аралашыр, утырып хәл-әхвәл сорашыр өчен дә шартлар бар, диелә район хәбәрендә. 

"Татар-информ", "Йолдыз", Ләйлә Шиһабиева

Дин әһеле
1992 -1998 елларда
Дин әһеле
1998 - 2011 елларда
Дин әһеле
2011 – 2013 елларда
Дин әһеле
2013 елның 17 апрелендә сайланды

Намаз вакытлары

Иртәнге намаз
Кояш чыга
Өйлә намазы
Икенде намазы
Ахшам намазы
Ястү намазы
Яңалыклар архивы
Tatarstan.Net - все сайты Татарстана