Казан ислам институтының 3-4 курс студентлары Казанның Яңа татар бистәсендәге Татар зиратына җирләнгән мәшһүр дин әһелләрен зиярат кылдылар.
Шәкертләргә нәзарәтнең дәгъват бүлеге җитәкчесе Нияз хәзрәт Сабиров динебез үсешенә зур өлеш керткән, төрле чорларда гомер иткән хәзрәтләр хакында сөйләде. Аларның хезмәтләре, дөньялыкта кылган күркәм гамәлләре хакында җиткерде.
Шәкертләр Нияз хәзрәт җитәкчелегендә танылган татар дин әһелләре Шиһабеддин Мәрҗани, Галимҗан Баруди, Әхмәтһади Максуди, Габделхәбир Яруллин, Сөнгатулла Бикбулатов, Габделхак Саматов һәм башкаларның каберләре янында мәшһүрләребез рухына багышлап Коръән укып, догалар кылдылар.
