Бүген Татарстан Президенты Рөстәм Миңнеханов җитәкләгән делегация Иран Ислам Республикасы Иранда. Рәсми делегация вәкилләре арасында Татарстан мөфтие Камил хәзрәт Сәмигуллин да булды.
Әлеге эшлекле сәфәр кысаларында мөфти Татарстан делегациясе белән бергә Коръәнне тирәнтен өйрәнгән, хәдис һәм мөселман хокукы өлкәсе белгече булган имам Резаның комплексында һәм тарихи китапханәдә булды.
Делегатларның аерым игътибарын дөньядагы иң зур кулъязма Коръән - Байсангура Коръәне Мисыр һәм Суриянең мәмлүк солтаны Әз-За́һирә Бәйбарс әл-Бундукда́ри чорында (1260—1277) язылган. Кызганычка каршы, Коръәннең бары тик 60 бите генә сакланып калган. Шулай ук Татарстан кунакларына бөек мөселман галиме имам Әл-Газәли каберлеген дә күрсәткәннәр. Тарихта әлеге шәхес 53 яшьлек гомер эчендә 500 хезмәт бастыруы белән билгеле. Аның кабере Иранның Тус шәһәрендә 2009 елда гына табыла. Бүгенге көндә монда казу эшләре һәм тикшеренүләр алып барыла. Газәли - ислам юристы, фәлсәфәче.
Моннан тыш, Иранның Мешхед шәһәрендәге тарихи китапханәдә Идел буе Болгар дәүләтендә яшәп иҗат иткән галим Борханетдин Болгари кулъязмалары саклануы ачыклана. Китапларның берсе - Коръән тәфсире, икенчесе - мантыйк буенча. Биредә делегатлар Ибн Фәдланның да "Әхбәрүль бульдан" хезмәте белән таныша.
