Бикчурайда вәгазь кичәсе

24 апрель 2017 ел 13:46

Балык Бистәсе районының Бикчурай авылы мәчетендә вәгазь кичәсе булып узды. Авыл  тарихында беренче мәртәбә, 2016 елның көзендә,  мәчет каршында уку-укыту курслары ачылды. Бу җаваплы эшне Гөлсинә Нургали кызы башлап җибәреп, үзе анда белем дә биргән. Аның әтисе Нургали исемен  йөртүче  мәчеттә , уку курсларын быел биш хатын-кыз тәмамлаган. Коръәнне өйрәнүнең беренче нигезе булып саналучы, Мөгаллим сәни китабын тәмамлау уңаеннан мәчеттә кичә оештырырга карар кылганнар.

Мәҗлескә авылның барлык хатын-кызлары чакырылган иде. Кичәне район мөхтәсибе Рамазан хәзрәт Хисаметдинов ачып җибәрде. Ул изге китабыбыз Коръән, аның әһәмияте, тормышыбызда тоткан роле хакында вәгазь сөйләде.  Тәберде-Чаллы имам-хатыйбы Мансур хәзрәт Сафин аерым бер зикерләрнең әҗер-савапларын әйтеп узды.Һәрбер шәкерткә, мәчетне салдырып, карап торучы Нургали абыйның оныклары тарафыннан бүләккә Коръән таратылды. Мәҗлес барышында һәркем Гөлсинә Нургали кызына рәхмәтләрен җиткерделәр. Мәчет имамы Бабаҗан хәзрәт: “Изге йортыбыз күркәм, якты. Ишеге һәркемгә ачык. Киләсе уку елында шәкертләребезнең саны тагын да артсын иде!” -дигән теләкләрен әйтте. Ә Гөлсинә апа шушындый вәгазь кичәләренең дәвамлы булуын теләде.

Сурәт - 1
Дин әһеле
1992 -1998 елларда
Дин әһеле
1998 - 2011 елларда
Дин әһеле
2011 – 2013 елларда
Дин әһеле
2013 елның 17 апрелендә сайланды

Намаз вакытлары

Иртәнге намаз
Кояш чыга
Өйлә намазы
Икенде намазы
Ахшам намазы
Ястү намазы
Яңалыклар архивы
Tatarstan.Net - все сайты Татарстана