Изге Рамазан аенда Чистайның берничә азык-төлек кибетендә гадәти булмаган акция оештырылды. Акциядә катнашучы кибетләрдә аерым арбалар куелган. Теләгән кешеләр биредә мохтаҗлар өчен азык-төлек калдыра ала, ә финанс хәлләре авыр булганнар аларны үзләре белән алып китәргә мөмкин.
Әлеге акция белән Чистай эшмәкәрләре сатып алучыларны игелекле эш кылырга һәм мохтаҗларга ярдәм итәргә чакыра. Акция Рамазан ае дәвамында уздырылачак.
