25 июнь көнне Бөгелмә шәһәренең балалар паркында Рамазан ае тәмамлану уңаеннан бәйрәм чаралары булып үтте. Чараның рәсми өлеше Ураза гаете белән котлауларан гыйбарәт иде. Бәйрәмгә килүчеләрне район имам-мөхтәсибе Рамил хәзрәт Хөснетдинов һәм шәһәр администрациясе вәкиле Марат Халиуллин сәламләде, үзләренең теләк-нәсихәтләрен ирештерде.
Оештыручылар балалар өчен бушлай күңел ачу программасын тәкъдим итте. Анда төрле уеннар, мавыктыргыч тәҗрибәләр, викториналар һәм күчәтәнәчле спорт ярышлары бар иде. Һәр килүче тәмле пылау авыз итте.
