Татарстан мөфтие Камил хәзрәт Сәмигуллин “Якыннарыңны яздыр” дигән республика акциясенә кушылды. Ул "Мәдәни җомга" газетына Диния нәзарәтен, "Тынычлык" мәчетен, "Мөхәммәдия" һәм Ислам динен кабул итүгә 1000 ел исемендәге мәдрәсәләрен, шулай ук Казан ислам көллиятен һәм Россия ислам университетын яздырды.
"Басма матбугатка кайтырга, күбрәк укырга кирәк дип саныйм, чөнки уку - баш мие өчен менә дигән физкультура!, - дип белдерде Камил хәзрәт "Мәдәни җомга" вәкилләре белән очрашуда.Ул акцияне оештыручылар һәм газета редакциясе өчен "Яхшы сүз генә сөйлә ,яки дәшмә", дигән истәлек язуы да калдырды.
