Буада хаҗ дәресләре башлана

4 июльдән Буа мөхтәсибәтенең  “Госман” мәчетендә хаҗ дәресләре башлана. Аларны Буа районы  имам-мөхтәсибе, "ТР МДН Хаҗ" төркемендә  җитәкче булучы Илмир хәзрәт Хәсәнов алып барачак. Дәресләрдә булачак хаҗиларга ничек дөрес итеп хаҗ гамәлләрен үтәргә кирәклеге хакында сөйлиячәкләр, кызыксындырган сорауларга җавап бирәчәкләр. Дәресләр якынча бер ай дәвамында барыр дип көтелә. Буа районыннан быел хаҗ сәфәренә 20 кеше юл тотачак.