Бүген Әгерҗе шәһәренең “Нур” мәчетендә район имамнарының чираттагы җыелышы узды. Әлеге чарада Татарстан Республикасы мөфтиенең җирлекләр (мөхтәсибәтләр) белән эшләү буенча урынбасары Мансур хәзрәт Җәләлетдин, Әгерҗе районы хакимияте башлыгы Валерий Макаров, Әгерҗе районы имам-мөхтәсибе Габделкәрим хәзрәт Гыйззәтуллин да катнашты. Җыелышта мәчетләрдә укуларны башлап җибәрү мәсьәләләре каралды. Татарстан мөфтие урынбасары Мансур хәзрәт Җәләлетдин шәһадәтнамәләр тапшырды, юстиция министрлыгында теркәлү узмаган мәчетләрнең документларын тизрәк тәртипкә китерергә кушты. Әгерҗе районы хакимияте башлыгы дин мөнәсәбәтләрендә тату булырга чакырды.
Монардан тыш, мөфти урынбасары республиканың Мамадыш һәм Менделеевск имамнары белән очрашып, җыелыш үткәрде.
