Кичә Буа мөселманнары район мәхәлләләре арасында дүртенче волейбол уеннары сезонын башлап җибәрде. Буа ветеринар техникумы спорт бинасында уеннар һәр атнаны дүшәмбе һәм чәршәмбе көннәрендә узачак. Биредә биш мәхәлләдән вәкилләр катнаша.
Яз көне казыят кубогына Буа, Тәтеш, Кама Тамагы, Апас, Кайбыч, Чүпрәле, Чирмешән районнары командалары арасында уеннар узар дип көтелә.
