Татарстан мөфтие Камил хәзрәт Сәмигуллин Мамадышка эш сәфәре барышында Мамадыш мәдрәсенә дә керде. Мәдрәсә директоры Габдрахман хәзрәт Хәбибуллин һәм район имам-мөхтәсибе Илһам хәзрәт Миңнегалиев Камил хәзрәтне мәдрәсәдәге уку-укыту эшчәнлеге белән таныштырды. Яңа 2017-2018 уку елында мәдрәсәнең кичке бүлегендә 109, читтән торып уку бүлегендә 54, өстәмә белем бирү бүлегендә 27 шәкерт белем алуы хакында да әйтелде.
Камил хәзрәт мәдрәсәнең гыйбадәт, китапханә, компьютер бүлмәләрен дә карап чыкты. Мәдрәсә мөгаллимнәре белән чәй табыны янында борчыган мәсьәләләр хакында да сөйләштеләр.
