Кичә Югары Ослан район мәдәният йортында авыл мәчетенең ачылуына 15 ел тулуга багышланган юбилей чаралары узды.
Әлеге чарада район администрациясе башлыгы Марат Зиатдинов, район мәчетләре имамнары, мәчет каршындагы курс укытучылары, картлар йортында тәрбияләнүчеләр һәм инвалидлар, мәчет төзелешенә өлеш керткән оешмалар һәм учреждениеләр җитәкчеләре, шулай ук мәхәллә халкы катнашты.
Тантананы Югары Ослан районы имам-мөхтәсибе Гали хәзрәт Җиһаншин башлап җибәрде. Ул чарада катнашучыларга мәчет төзелешендә ярдәм итүнең фазыйләтләре турында үгет-нәсыйхәт сүзләрен җиткерде.
Үз чиратында, районның “Иделкәй” иҗади коллективы дини тематикага мөнәҗәтләр башкарды. Чакырылган кунакларның берсе дә игътибардан читтә калмады. Юбилей тантанасында катнашучылар истәлекле сувенирлар, ә мәчет төзелешенә өлеш кертүчеләр кыйммәтле бүләкләр алды.
