Казахстан ислам мәгълүмати-белем бирү порталы azan.kz интернетта беренче булып үз сайтында Татарстан мөфтие, Коръән-хафиз Камил хәзрәт Сәмигуллин укыган һәм яздырган Коръәннең тулы тексты аудиоязмасын урнаштырган. Хәзер сайтка керүче һәрбер кеше сүрәне тыңлап кына калмый, үзенә күчереп тә куя ала.
“Камил хәзрәт Коръән укылган әлеге язма дискын azan.kz порталына бүләк итеп бирде һәм аны сайтта чыгарырга рөхсәт итте. Әлеге язмаларны яздыруга зур көч куючыларга Аллаһының рәхмәтләре ирешүен телибез һәм шул сәбәпле Коръәни-Кәрим белән элемтәләребез ныгыса иде”, – дип билгели сайт администрациясе.
