Бүген “Интертат.ру” сайтында Татарстан мөфтие Камил хәзрәт Сәмигуллинның “Нинди хис соң ул мәхәббәт - 3” дип исемләнгән мәкаләсенең соңгы өлеше дөнья күрде.
“Мәхәббәт – Аллаһы Тәгаләнең кешеләргә җибәргән иң зур бүләге ул. Күңелләребезне әлеге хис белән тутырып, Ул безне Үзенә тагын да якынайта. Аллаһы Тәгаләнең рәхим-шәфкате белән, кеше бу дөньяга яратырга һәм яратылырга дип килә. Мәхәббәт утында янмый торып, чын тормышны танып белү мөмкин түгел. Шуңа күрә Аллаһы Тәгалә хакына яратыгыз”, – дип мөрәҗәгать итә мөфти үз укучыларына.
Иң бөек хисләрнең берсе булган мәхәббәткә багышланган алдагы мәкаләләрдә Татарстан мөфтие Аллаһы Тәгаләне, Пәйгамбәребез салләллаһу галәйһи вә сәлләмне, әти-әни һәм балаларыбызны, хәләл җефетебезне... ярату турында язган иде. “Бу мәкаләдә мөселман кешесен мәхәббәт призмасы аша тагын бер яктан – шат күңелле, актив һәм ачык кеше буларак ачарга телим”, – дип яза Камил хәзрәт.
«Әгәр ышанмасагыз, җәннәткә кермәячәксез, - дигән Мөхәммәд Пәйгамбәр (с.г.в.с.). - Әмма сез бер-берегезне яратмый торып, камил иман белән ышанмаячаксыз» (Бохари, Мөслим).
Мәкалә белән тулырак биредә танышырга мөмкин.
